Адрас: 211631, г.Верхнядзвінск,
вул.Кааператыўная, д.1
Тэлефон прыёмнай:
8 (02151) 6-33-47 c 8.00 до 21.00
Тэлефон «гарачай лініі»:
8 (02151) 6-33-47 c 8.00 до 21.00
Электронная пошта райвыканкама:
vdv-rik@vitebsk.by

Гульнявы комплекс "Каравела" Верхнядзвінская гімназія Рака Заходняя Дзвіна Верхнядзвінскі раённы выканаўчы камітэт Міні-заапарк "Лясная казка"
Гульнявы комплекс "Каравела"
Гульнявы комплекс "Каравела"
Верхнядзвінская гімназія
Рака Заходняя Дзвіна
Верхнядзвінскі раённы выканаўчы камітэт
Міні-заапарк "Лясная казка"
Галоўная / Рэгіён / Нашы землякі - навукоўцы

Нашы землякі - навукоўцы

Навіцкі Уладзімір Іосіфавіч
Доктар гістарычных навук (1990), прафесар (1999 г.) кафедры тэорыі і гісторыі дзяржавы і права Акадэміі кіравання пры Прэзідэнце Рэспублікі Беларусь.
нарадзіўся 21 кастрычніка 1939 на чыгуначнай станцыі Барковічы Верхнядзвінскага раёна Віцебскай вобласці БССР.
У 1966 годзе скончыў гістарычны факультэт БДУ па спецыяльнасці «Гісторыя і грамадазнаўства».
Працаваў лектарам, затым - дырэктарам Рэспубліканскай камсамольскай школы пры ЦК ЛКСМ Беларусі ў 1966-1971 гг. У 1975-1984 гадах - сакратар партыйнага камітэта ў Акадэміі навук БССР. У 1984-2006 гадах - загадчык аддзела, намеснік дырэктара Інстытута гісторыі Нацыянальнай акадэміі навук Беларусі. У 2010-2015 гадах - прафесар кафедры тэорыі і гісторыі дзяржавы і права Акадэміі кіравання пры Прэзідэнце Рэспублікі Беларусь.
У 1990 годзе абараніў дысертацыю на суісканне вучонай ступені доктара гістарычных навук на тэму «Ідэйна-выхаваўчая работа сярод працоўных Беларускай ССР (1970 -1980 гг.)».
Узнагароды:
медаль «За працоўную доблесць» (1981)
Грамата Вярхоўнага Савета Беларускай ССР (1980 г.),
прэмія імя акадэміка В. А. Капцюга НАН Беларусі і Сібірскага аддзялення РАН (2003 г.).


Варонін Васіль Аляксеевіч
Кандыдат гістарычных навук, дацэнт, загадчык аддзела гісторыі Беларусі Сярэдніх вякоў і пачатку Новага часу Інстытута гісторыі НАНБ.
Нарадзіўся 6 снежань 1971 ў в. Дзярновічы ў сям'і педагогаў. У 1989 г. скончыў з залатым медалём СШ № 2 г. Верхнядзвінска. Далейшы шлях ён абраў па прыкладзе рана пайшоўшага з жыцця бацькі-гісторыка і свайго настаўніка гісторыі Р.Ф.Масейчанка - паступіў на гістарычны факультэт Беларускага дзяржаўнага універсітэта, пасля заканчэння якога працягнуў навучанне ў аспірантуры, ў 2000 г. стаў кандыдатам гістарычных навук, у 2005 г. - дацэнтам. Стажыраваўся ў вышэйшых навучальных і навуковых установах Польшчы і Літвы.
Галоўным напрамкам навуковай дзейнасці нашага земляка стала гісторыя Беларусі эпохі Вялікага Княства Літоўскага XIII-XIV стагоддзяў.
Васіль Варонін працаваў у Полацкім дзяржаўным універсітэце, з 2000 г. - у Беларускім дзяржаўным універсітэце, з 2016 года - загадчык аддзела гісторыі Беларусі сярэдніх вякоў і пачатку Новага часу Інстытута гісторыі Нацыянальнай Акадэміі навук Беларусі.
Пералік навуковых прац В.Варонiна ўключае звыш ста назваў. Ён сістэмна даследуе гісторыю Полацкай і Віцебскай зямель у складзе ВКЛ, вывучае дзяржаўна-палітычную гісторыю гэтай дзяржавы, археалогію.
Актыўна ўдзельнічае ў рабоце міжнародных канферэнцый, яго выступы і матэрыялы даследаванняў перакладаюцца на замежныя мовы, публікуюцца ў Мінску, Маскве, Санкт-Пецярбургу, Вільнюсе, Кіеве і Беластоку.
Не пакідае наш зямляк без увагі і родныя мясціны. Матэрыялы яго даследаванняў па гісторыі Верхнядзвіншчыны ўтрымліваюцца ў кнізе «Памяць», друкуюцца на старонках раённай газеты «Дзвінская праўда».

Інтэрнэт-рэсурсы